ਕਾਰਬਨ ਮੋਨੋਆਕਸਾਈਡ ਸੁਰੱਖਿਆ ਗਾਈਡ

ਜਦੋਂ ਵੀ ਤੁਸੀਂ ਬਾਲਣ ਨੂੰ ਜਲਾਉਂਦੇ ਹੋ ਤਾਂ ਕਾਰਬਨ ਮੋਨੋਆਕਸਾਈਡ ਪੈਦਾ ਹੁੰਦੀ ਹੈ। ਇਸ ਦੇ ਆਮ ਸਰੋਤਾਂ ਵਿੱਚ ਸ਼ਾਮਲ ਹਨ:

• ਜਨਰੇਟਰ
• ਕੱਪੜੇ ਸੁਕਾਉਣ ਵਾਲੇ ਉਪਕਰਨ
• ਭੱਠੀਆਂ
• ਵਾਟਰ ਹੀਟਰ
• ਵਾਹਨ
• ਬਾਰਬੀਕਿਊ
• ਬਾਲਣ / ਲੱਕੜ ਨੂੰ ਜਲਾਉਣ ਵਾਲੇ ਸਟੋਵ ਅਤੇ ਅੰਗੀਠੀਆਂ

ਕਾਰਬਨ ਮੋਨੋਆਕਸਾਈਡ ਦਾ ਜ਼ਹਿਰ ਅਜਿਹੇ ਲੱਛਣ ਪੈਦਾ ਕਰ ਸਕਦਾ ਹੈ ਜੋ ਫਲੂ ਵਰਗੇ ਲੱਗਦੇ ਹਨ। ਇਸ ਦੇ ਆਮ ਲੱਛਣਾਂ ਵਿੱਚ ਸ਼ਾਮਲ ਹਨ:

• ਸਿਰ ਦਰਦ
• ਕਮਜ਼ੋਰੀ
• ਚੱਕਰ ਆਉਣਾ
• ਉਲਟੀ ਆਉਣਾ
• ਥਕਾਵਟ

ਇੱਕ ਮਹੱਤਵਪੂਰਨ ਫਰਕ ਇਹ ਹੈ ਕਿ ਫਲੂ ਨਾਲ ਅਕਸਰ ਬੁਖਾਰ ਹੁੰਦਾ ਹੈ, ਪਰ ਕਾਰਬਨ ਮੋਨੋਆਕਸਾਈਡ ਦੇ ਜ਼ਹਿਰੀਲੇ ਪ੍ਰਭਾਵ ਵਿੱਚ ਕਦੇ ਵੀ ਬੁਖਾਰ ਨਹੀਂ ਹੁੰਦਾ।

ਟੈਕਨੀਕਲ ਸੇਫਟੀ ਬੀਸੀ (Technical Safety BC) ਨੂੰ ਰਿਪੋਰਟ ਕੀਤੀਆਂ ਕਾਰਬਨ ਮੋਨੋਆਕਸਾਈਡ ਨਾਲ ਸੰਬੰਧਿਤ 80% ਤੋਂ ਵੱਧ ਘਟਨਾਵਾਂ ਘਰਾਂ ਵਿੱਚ ਵਾਪਰੀਆਂ ਹਨ। ਜੇ ਤੁਸੀਂ ਆਪਣੇ ਕਾਰਬਨ ਮੋਨੋਆਕਸਾਈਡ ਅਲਾਰਮ ਦੀ ਆਵਾਜ਼ ਸੁਣਦੇ ਹੋ, ਤਾਂ ਇਹ ਜਾਣਨਾ ਜ਼ਰੂਰੀ ਹੈ ਕਿ ਤੁਹਾਨੂੰ ਕੀ ਕਰਨਾ ਚਾਹੀਦਾ ਹੈ।

1. ਜੇ ਇਹ ਕਰਨਾ ਸੁਰੱਖਿਅਤ ਹੋਵੇ, ਤਾਂ ਉਪਕਰਣਾਂ ਨੂੰ ਬੰਦ ਕਰ ਦਿਓ।

2. ਤੁਰੰਤ ਇਮਾਰਤ ਜਾਂ ਘਰ ਤੋਂ ਬਾਹਰ ਨਿਕਲੋ। ਸਾਰੇ ਲੋਕਾਂ ਅਤੇ ਪਾਲਤੂ ਜਾਨਵਰਾਂ ਨੂੰ ਵੀ ਬਾਹਰ ਲੈ ਜਾਓ।

3. 911 ਜਾਂ ਆਪਣੇ ਸਥਾਨਕ ਐਮਰਜੈਂਸੀ ਨੰਬਰ 'ਤੇ ਕਾਲ ਕਰੋ।

4. ਜੇ ਤੁਹਾਨੂੰ ਕੋਈ ਲੱਛਣ ਹਨ, ਤਾਂ ਤੁਰੰਤ ਡਾਕਟਰੀ ਸਹਾਇਤਾ ਲਵੋ।

ਕਾਰਬਨ ਮੋਨੋਆਕਸਾਈਡ ਦੇ ਸੰਪਰਕ ਤੋਂ ਬਚਣ ਅਤੇ ਆਪਣੇ ਘਰ ਨੂੰ ਸੁਰੱਖਿਅਤ ਰੱਖਣ ਲਈ ਇਹ ਸੌਖੇ ਕਦਮ ਅਪਣਾਓ।

ਸਰਟੀਫਾਈਡ ਕਾਰਬਨ ਮੋਨੋਆਕਸਾਈਡ ਅਲਾਰਮ ਆਪਣੇ
ਘਰ ਵਿੱਚ ਲਗਾਓ ਅਤੇ ਇਸਦੀ ਨਿਯਮਿਤ ਸਾਂਭ-ਸੰਭਾਲ ਕਰੋ। ਅਲਾਰਮ ਦੀ ਸਮੇਂ-ਸਮੇਂ ਤੇ ਜਾਂਚ ਕਰਦੇ ਰਹੋ ਅਤੇ ਇਹ ਵੀ ਜਾਣੋ ਕਿ ਇਸਦੀ ਮਿਆਦ (ਐਕਸਪਾਇਰੀ) ਕਦੋਂ ਖਤਮ ਹੁੰਦੀ ਹੈ ਤਾਂ ਜੋ ਲੋੜ ਪੈਣ 'ਤੇ ਇਸਨੂੰ ਬਦਲਿਆ ਜਾ ਸਕੇ।

ਹੱਥੋਂ-ਹੱਥ ਮੁਰੰਮਤਾਂ ਤੋਂ ਬਚੋ
ਬ੍ਰਿਟਿਸ਼ ਕੋਲੰਬੀਆ (BC) ਵਿੱਚ, ਮਕਾਨ ਮਾਲਕ (ਲੈਂਡਲਾਰਡ) ਜਾਂ ਆਮ ਮੁਰੰਮਤ ਕਰਨ ਵਾਲਾ ਵਿਅਕਤੀ (ਹੈਂਡੀਪਰਸਨ) ਕਾਨੂੰਨੀ ਤੌਰ 'ਤੇ ਗੈਸ ਨਾਲ ਸੰਬੰਧਿਤ ਕੰਮ ਨਹੀਂ ਕਰ ਸਕਦਾ।

ਗੈਸ ਉਪਕਰਨਾਂ ਦੀ ਸਾਂਭ-ਸੰਭਾਲ ਕਰੋ
ਸਾਡੀ ਵੈੱਬਸਾਈਟ 'ਤੇ ਜਾ ਕੇ ਪਤਾ ਕਰੋ ਕਿ ਕੀ ਤੁਹਾਡੇ ਘਰ ਵਿੱਚ ਗੈਸ ਉਪਕਰਣ ਹਨ। ਜੇ ਹਨ, ਤਾਂ ਇਹ ਯਕੀਨੀ ਬਣਾਓ ਕਿ ਉਨ੍ਹਾਂ ਦੀ ਨਿਯਮਿਤ ਸਰਵਿਸ ਇੱਕ ਲਾਇਸੈਂਸਸ਼ੁਦਾ ਠੇਕੇਦਾਰ ਦੁਆਰਾ ਕਰਵਾਈ ਜਾਂਦੀ ਹੈ।

ਬਾਹਰ ਵਰਤੇ ਜਾਣ ਵਾਲੇ ਉਪਕਰਣ ਬਾਹਰ ਹੀ ਰੱਖੋ
Cਕੈਂਪਿੰਗ ਸਟੋਵ, ਜਨਰੇਟਰ, ਇੰਧਨ ਨਾਲ ਚੱਲਣ ਵਾਲੀਆਂ ਗ੍ਰਿੱਲਾਂ (ਬਾਰਬੀਕਿਊ) ਅਤੇ ਲਾਲਟੇਨ ਸਿਰਫ਼ ਬਾਹਰ ਵਰਤਣ ਲਈ ਬਣਾਏ ਗਏ ਹਨ। ਇਨ੍ਹਾਂ ਨੂੰ ਕਦੇ ਵੀ ਟੈਂਟ ਦੇ ਅੰਦਰ ਜਾਂ ਆਪਣੇ ਘਰ ਦੇ ਅੰਦਰ ਨਾ ਵਰਤੋ।